გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი აცხადებს  ღია საჯარო კონკურსს სამეცნიერო სტრუქტურული ერთეულის –  ძველი ქართული ხელოვნების განყოფილების მეცნიერი თანამშრომლის პოზიციაზე.
განაცხადების მიღების ვადა: 09.12.2022-დან, 09.01.2023 -ჩათვლით.
საკონკურსო განაცხადები მიიღება როგორც მყარი (მის. თბილისი, ათონელის N 9), ასევე ელექტრონული ფორმით ცენტრის ოფიციალურ ელექტრონულ მისამართზე: g_ch_centre@yahoo.com
საკონტაქტო პირი: ნანა ღარიბაშვილი  299 05 88; 599 23 54 53
დეტალური ინფორმაცია იხილეთ თანდართულ დოკუმენტში.

PDF: განცხადების ფორმა

PDF: მეცნიერ-თანამშრომლის საკონკურსო განცხადება

PDF: პერსონალური ინფორმაციის დამუშავების თაობაზე

გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი აცხადებს კონკურსს დირექტორის პოზიციაზე.
განაცხადების მიღების ვადა – 18.02.2022 – 3.03.2022
საკონკურსო განაცხადები მიიღება როგორც მყარი (მის. თბილისი, ათონელის №9), ასევე ელექტრონული ფორმით ცენტრის ოფიციალურ ელექტრონულ მისამართზე: g_ch_centre@yahoo.com;
დეტალური ინფორმაცია იხილეთ თანდართულ დოკუმენტში:

PDF: დირექტორის ვაკანსია. გ. ჩუბინაშვილის ცენტრი

გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი, ბაზელის უნივერსიტეტის ხელოვნების ისტორიის სემინარის, ფრიბურგის უნივერსიტეტის შუა საუკუნეების ხელოვნების ისტორიის კათედრისა და ფლორენციის მაქს პლანკის ხელოვნების ისტორიის ინსტიტუტის თანამონაწილეობითა და შოთა რუსთაველის საქართველოს ეროვნული სამეცნიერო ფონდის ფინანსური მხარდაჭერით (№ MG_ISE_18_2142), აცხადებს

სეზონურ სკოლას

ტაო-კლარჯეთი ისტორია და მემკვიდრეობა: უძრავი და მოძრავი ძეგლები

2019 წლის 7-16 სექტემბერი

პროექტის შესახებ

ტაო-კლარჯეთი ზოგადი სახელია იმ სულიერი და კულტურული მემკვიდრეობისა, რომელიც თავის თავში მოიცავს შუა საუკუნეების სამხრეთ საქართველოში შექმნილ უძრავ და მოძრავ ძეგლებს. იგი უშუალოდ უკავშირდება იმ ისტორიულ ქართულ პროვინციებს, რომლებიც თურქეთის საზღვრებშია მოქცეული (ტაო-კლარჯეთი, შავშეთი, ერუშეთი, კოლა-ოლთისი და სპერი). არქიტექტურულ ძეგლთა უმრავლესობა  ერზერუმის, ართვინის და არდაჰანის  ვილაიეთებში მდებარეობს. მოძრავი ძეგლების (ჯვარ-ხატები, ხელნაწერები, ქანდაკებები და სხვა) უმრავლესობა კი დაცულია თბილისის სხვადასხვა სამუზეუმო სივრცესა და საცავში.

სეზონური სკოლის მთავარი მიზანია, პროგრამის მონაწილეებს ადგილზე გააცნოს ტაო-კლარჯეთის უმნიშვნელოვანესი ხუროთმოძღვრული ძეგლები, წარმოაჩინოს მათი ისტორიული და კულტურული მნიშვნელობა საქართველოს ისტორიის, ქართული ხელოვნების, ბიზანტიური და რეგიონალური (კავკასია, ისლამური ანატოლია) კულტურის კონტექსტში.

სეზონური სკოლა იმუშავებს ათი დღის განმავლობაში. ამ ხნის მანძილზე მონაწილეები იმოგზაურებენ როგორც საქართველოში, ასევე,  ჩრდილო-აღმოსავლეთ თურქეთში. სკოლა იმუშავებს სახელოვნებათმცოდნეო მეცნიერებაში დამკვიდრებული ფორმატით.  სემინარი და დისკუსიები უმთავრესად გაიმართება არა აუდიტორიაში, არამედ საველე პირობებში, იქნება ეს ღია ცის ქვეშ არსებული ძეგლები (კუმურდო, ოშკი, ხახული და სხვა) თუ სამუზეუმო სივრცეში დაცული ნივთები (მაგ. ხახულის ხატი, ანჩის ხატი, წყაროსთავის ოთხთავი და სხვა).  ამასთან, ჩატარდება ლექციები და გაიმართება დისკუსიები.

სეზონური სკოლის მონაწილენი ვალდებულნი არიან, წინასწარ დაამუშაონ ჩვენ მიერ ელექტრონულად მიწოდებული სამეცნიერო ლიტერატურა და შეთანხმებულ თემებზე წარმოადგინონ მოხსენებები; ამავე დროს, მონაწილეობა მიიღონ  დისკუსიებში, სეზონურ სკოლაში შესწავლილი საკითხები კი  ასახონ მომავალ სამეცნიერო კვლევებსა და პუბლიკაციებში.

სეზონური სკოლის სამუშაო ენაა ინგლისური.

გიორგი ჩუბინაშვილის ცენტრი სეზონური სკოლის წარმატებით დასრულების შემდეგ ყველა მონაწილეს გადასცემს  სერთიფიკატს.

მნიშვნელოვანი ინფორმაცია:

პროგრამა უზრუნველყოფს სეზონური სკოლის სასწავლო პროცესს. იგი ითვალისწინებს ათი დღის განმავლობაში მონაწილეთა ძეგლებამდე ტრანსპორტირებას, განთავსებას  სასტუმროში   (სტუდენტებისათვის ოთახი იქნება საზიარო), კვებას, მუზეუმში შესვლას. განმცხადებლები ვალდებულნი არიან, თავად დაფარონ ორმხრივი მგზავრობის ხარჯები, ვიზის მოსაკრებელი (ასეთის საჭიროების შემთხვევაში) და სამოგზაურო / ჯანმრთელობის დაზღვევა, ამასთან, თან იქონიონ საკუთარი ჯიბის ფული.

ვის შეუძლია განაცხადის შემოტანა:

განაცხადი შეუძლია შემოიტანოს ნებისმიერი ქვეყნის მოქალაქეს, რომელიც არის სადოქტორო პროგრამის სტუდენტი ან ახალგაზრდა მეცნიერი. განმცხადებლის ინტერესის სფეროს უნდა  წარმოადგენდეს საქართველოს, კავკასიის,  შუა საუკუნეების  ანატოლიისა და ბიზანტიის ხელოვნება, კულტურა.

უპირატესობა მიეცემათ  იმ სტუდენტებს, რომლებიც თურქეთის მოქალაქეები არიან   ან წარმოადგენენ თურქულ სასწავლო/სამეცნიერო ინსტიტუციას.

განცხადების ფორმა

განაცხადის ბოლო ვადაა : 2019 წლის 28 თებერვალი

განაცხადის ფორმა pdf ფაილის სახით გამოგზავნილ უნდა იქნეს შემდეგ მისამართზე:

taoschool2019@gmail.com

შერჩეულ კანდიდატებს ეცნობებათ 2019 წლის 30 აპრილამდე

ორგანიზატორები

[logoshowcase center_mode=”true” slides_column=”5″ show_title=”true”]

ავტორები:

ირინე ელიზბარაშვილი

მანანა სურამელაშვილი

ციცინო ჩაჩხუნაშვილი

490 გვერდი

წიგნის მთავარი საგანია საქართველოს ჩრდილოეთი მთიანეთის სასაზღვრო ზოლში შემონახული შუა საუკუნეების გამაგრებული დასახლებების ტრადიციული არქიტექტურა და ურბანული მემკვიდრეობა. ინტენსიური საველე სამუშაოების შედეგად მოპოვებულ მასალასთან ერთად გაანალიზდა და ფართოდ იქნა მოხმობილი არსებული გრაფიკული მასალა, ისტორიული, არქეოლოგიური, ეთნოგრაფიული მონაცემები და ფოლკლორი.

წიგნი საქართველოს ჩრდილოეთი მთიანეთის სასაზღვრო დასახლებების არქიტექტურული მემკვიდრეობის კომპლექსური შესწავლის პირველ ცდას წარმოადგენს. პროექტის  (FR/216/1-40/14) ფინანსური მხარდამჭერია შოთა რუსთაველის ეროვნული სამეცნიერო ფონდი

წიგნის ელექტრონული ვერსია

გ. ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის მიერ წარდგენილი პროექტი „ტაო-კლარჯეთი – ისტორია და მემკვიდრეობა – მოძრავი და უძრავი ძეგლები“  შოთა რუსთაველის საქართველოს ეროვნული სამეცნიერო ფონდის 2018 წლის საგრანტო კონკურსის (მობილობის და საერთაშორის სამეცნიერო ღონისძიებების)  II ლოტის № MG_ISE_18_2142 სეზონური სკოლის გამარჯვებულია. პროექტის თანამონაწილე ინსტიტუციებია – მაქს პლანკის ფლორენციის ინსტიტუტი, ბაზელის უნივერსიტეტის ხელვნების  სემინარი, ფრიბურგის (შვეიცარია) უნივერსიტეტის შუა საუკუნეების ხელოვნების ისტორიის კათედრა.

ა/წ 28 მაისს – 6 ივნისს თბილისში ჩატარდა საზაფხულო სკოლა პენსილვანიის უნივერსიტეტის (აშშ) ისტორიული მემკვიდრეობის დაცვის დეპარტამენტის სტუდენტებისთვის, ხელმძღვანელი ­- დარგის ცნობილი ექსპერტი პროფ. დონოვან რიპკემა.  საზაფხულო სკოლა განხორციელდა ბათუმის სახელმწიფო უნივერსიტეტის და საქართველოს იკომოსის მონაწილეობით.

31 მაისს სტუდენტთა ჯგუფი ეწვია გ. ჩუბინაშვილის ეროვნულ ცენტრს.  ცენტრის მთავარმა თანამშრომელმა მაია მანიამ წაუკითხა ლექცია ქ. თბილისის არქიტექტურაზე მის დაცვასთან დაკავშირებულ პრობლემებზე. მარიამ დიდებულიძემ გააცნო გ. ჩუბინაშვილის ცენტრის ისტორია, მისი ამოცანები, სამეცნიერო კვლევის მიმართულებები, დაათვალიერეს ცენტრის ბიბლიოთეკა, ფოტო-არქივი.
ამერიკელ სტუდენტებს საჩუქრად გადაეცათ  ცენტრის მიერ გამოცემული წიგნი “Ancient Georgian Art”

13.12.2017 ცენტრის საკონფერენციო დარბაზში ერმილე მაღრაძემ წარმოადგინა მოხსენება –  ტიხრული მინანქრის ტექნოლოგიისა და მასალების შესახებ.

6.12.2017 ცენტრის საკონფერენციო დარბაზში ნიკა ვაჩეიშვილმა, ელოშვილმა და მათმა ტექნიკურმა ჯგუფმა წარმოადგინა მოხსენება “კულტურული მემკვიდრეობა და მისი გარემო” განხილულ იქნა ახალი ტექნოლოგიური მიღწევები კულტურული მემკვიდრეობის ძეგლთა კვლევის და რესტავრაციის დროს.