ამა წლის 29 მაისს 18 საათზე გ.ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნულ კვლევით ცენტრში გაიხსნა მხატვარ-გრაფიკოსის გურანდა ქლიბაძის გამოფენა „რას ნიშნავს იყო ქალი მხატვარი?!“წარმოდგენილი იყო მონოტიპიის ტექნიკით შესრულებული ნამუშევრები. გამოფენის საერთო კონტექსტი, ზოგადად ხელოვნებაში გენდერული საკითხის აქტუალობაზე ახდენდა აქცენტირებას. თუმცა ამ პრობლემის პარალელურად საზოგადოებას საშუალება ჰქონდა გაცნობოდა თანამედროვე ქართული გრაფიკის ერთ-ერთი საინტერესო წარმომადგენლის შემოქმედებას და მიმდინარე ზოგადკულტურული პროცესებისადმი მიდგომა-მისადაგების ან ახალი მხატვრული რეალობის შექმნის მცდელობა-შესაძლობლობის კონტექსტში.

გამოფენას წინ უძღოდა ხელოვნებათმცოდნე თათია ღვინერიას ლექცია-მოხსენება თემაზე:  რას ნიშნავს იყო ქალი მხატვარი?!

გამოფენა „ხატავენ მუსიკოსები“

2015  წლის 23 აპრილის, გიორგი ჩუბინაშვილის სახელობის ეროვნული ცენტრის საგამოფენო დარბაზი: „ARS GEORGICA“ , გაიხსნა გამოფენა: „ხატავენ მუსიკოსები“

ექსპონირებულია მუსიკოსების: როდამ ჯანდიერის, ჯარჯი ბალანჩივაძის, მაია კანკავას, ანრი ბასილაიას, პაკო გუკასოვის, შორენა ბოლქვაძის, თემო მათურელის, იზა ნადირაძის, დინი ვირსალაძის, არტიომ ალაბულიანცის, მზექალა ბერძენიშვილის, ანი მელიქიძის, გალინა ბანდურას ნამუშევრები (ფერწერა, გრაფიკა, კოლაჟი).

გამოფენა გრძელდება 11 მაისამდე.
მისამართი: ათონელის ქ. N 9

18 თებერვალს გიორგი ჩუბინაშვილის სახელობის ქართული ხელოვნების  ისტორიისა და ძეგლთა დაცვის კვლევის ეროვნულ ცენტრში ჩატარდა დალი მუხაძის პერსონალური გამოფენა

გიორგი ჩუბინაშვილის სახელობის ეროვნული ცენტრის საგამოფენო დარბაზში “Ars Georgica” , 9 იანვარს, 17:00 საათზე გაიხსნა გამოფენა: “ხელოვნებათმცოდნეთა სახეები XX საუკუნის ქართულ ხელოვნებაში”.

წარმოგენილია ჩუბინაშვილის ცენტრის თანამშრომელთა პორტრეტები, რომლებიც შესრულებულია ცნობილი და ნაკლებად ცნობილი მხატვრების მიერ. წარმოდგენილია:

ქეთევან მაღალაშვილის, უჩა ჯაფარიძის, პეტრე ბლიოტკინის, დუდა გაბაშვილის, ჟანი მეძმარიაშვილის, გიორგი ჯაშის, ირაკლი ოჩიაურის, ირაკლი თოიძის, რობერტ სტურუას, ედმონდ კალანდაძის, ზურაბ ნიჟარაძის, თემურ მაჭავარიანის, თამაზ ხუციშვილის, სოსო წერეთლის, გივი თუმანიშვილის, ირაკლი ფარჯიანის, გია ბუღაძის, ლევან ჭოღოშვილის, კარლო კაჭარავას, ოლეგ ქოჩაკიძის, ვახტანგ ონიანის, ნოდარ აფციაურის, ავთანდილ პოპიაშვილის, ბესარიონ არბოლიშვილის, ცისია კილაძის, ვახტანგ და გოგი ხოშიარიას,  ასმათ ოქროპირიძის, დოდო ჭიკაიძის, ნიკუშა შენგელაიას,  დიანა ყიფიანის, ბესო ებრალიძის  ნამუშევრები.

გამოფენა გრძელდება 2015 წლის 30 იანვრამდე

2015 წლის 1 დეკემბერს  17 საათზე  გ. ჩუბინაშვილის ეროვნულ ცენტრში მოეწყოფოტო–გამოფენა “ოლკასი. ეგეოსოდან შავ ზღვამდე. შუა საუკუნეების პორტებიაღმოსავლეთის საღზღვაო გზაზე“,  რომელიც ხორციელდება ევროკავშირის მიერ დაფინანსებული  პროექტის “ლიმენი.  კულტურული პორტები ეგეოსიდან შავ ზღვამდე” (2013-2015) ფარგლებში   (ვებგვერდი http://www.limenproject.net.). პროექტის წამყვანი ორგანიზაციაა ბიზანტიური და პოსტ-ბიზანტიური ძეგლების ევროპული ცენტრი (EKBMM, თესალონიკი).

პროექტის პარტნიორები არიან: სტამბოლისა და კოჩის უნივერსიტეტები (თურქეთი),  კავალას მუნიციპალიტეტი (საბერძნეთი); კონსტანცას ისტორიისა და არქეოლოგიის ეროვნული მუზეუმი (რუმინეთი); ოდესის მუნიციპალიტეტის კულტურისა და ტურიზმის დეპარტამენტი (უკრაინა); ვარნას მუნიციპალიტეტი  (ბულგარეთი).
საქართველოში პროექტის „ლიმენი“ ლიდერი ორგანიზაციაა გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის  ეროვნული კვლევითი ცენტრი. ”ლიმენის” ქართული ქსელის წევრი ორგანიზაციებია: აჭარის ტურიზმისა და კურორტების დეპარტამენტი, აჭარის განათლების, კულტურისა და სპორტის სამინისტრო, აჭარის კულტურული მემკვიდრეობის სააგენტო, ქალაქ ბათუმის მერია, ბათუმის საზღვაო ნავსადგური, სამეცნიერო-აკადემიური დაწესებულებები: ბათუმის შოთა რუსთაველის სახელმწიფო უნივერსიტეტი;  ბათუმის შოთა რუსთაველის სახელმწიფო უნივერსიტეტის ნიკო ბერძენიშვილის სახ. ინსტიტუტი, ბათუმის ხელოვნების სასწავლო უნივერსიტეტი,  ბათუმის არქეოლოგიური მუზეუმი, აჭარის ხარიტონ ახვლედიანის სახელობის მუზეუმი და თანამედროვე  ხელოვნების  ცენტრი  CAC.

პროექტის მიზანია შავი ზღვის რეგიონში კულტურული ტურიზმის განვითარება და „კულტურის ევროპული დედაქალაქის“ გამოცდილების გამოყენებით ახალი ინსტიტუციის: „შავი ზღვის კულტურული პორტის“ იდეისა და სტრატეგიის შემუშავება.
პროექტის ფარგლებში შემუშავდა  ერთიანი ტურისტული  მარშრუტები, საინფორმაციო ფირნიშების  ერთიანი  სისტემა, საინფორმაციო  ბუკლეტები, ცნობარები; გამოიკვეთა კულტურული მემკვიდრეობის როგორც მდგრადი სოციალურ-ეკონომიკური ფაქტორის მნიშვნელობა და ხელი შეეწყო მის პოპულარიზაციას.
გამოფენა მომზადდა პროექტის ”ოლკასის”  (www.olkas.net) ფარგლებში. ის უკვე ბევრ ქვეყანაში გაიმართა: საბერძნეთში (თესალონიკი, ათენი, ვოლოსი, კავალა), თურქეთში (სტამბოლი), რუმინეთში (კონსტანცა), უკრაინაში (ოდესა, სიმფეროპოლი), კვიპროსზე (ლეფკოსია, პაფოსი, ლიმასოლი, აია ნაპა).

გამოფენაზე წარმოდგენილია ეგეოსისა და შავი ზღვების და კვიპროსის საპორტო ქალაქების ხედები. ეს ფოტოები მოგზაურებმა, არქეოლოგებმა და ფოტოგრაფებმა სხვადასხვა დროს გადაიღეს – XIX საუკუნიდან დღევანდლამდე.

გამოფენაზე ასევე მოეწყო ქართული მხარის მიერ მომზადებული ტურისტული საინფორმაციო მასალის პრეზენტაცია.
გამოფენას დაესწრენ ასევე  პროექტის წამყვანი ორგანიზაციის წარმომადგენელი დოქტორი ფლორა კარაგიანი და კვოპროსული კვლევების საზოგადოების პრეზიდენტი,  დოქტორი ხარლამპიოს ხოტცაკოგლუ.
გამოფენის გახსნას  დაესწრნენ საბერძნეთის ელჩი, თურქეთის ელჩი, ბულგარეთის საელჩოს წარმომადგენელი, საქართველოს საელჩოს წარმომადგენელი კვიპროსზე, კულტურის სამინისტროს, ეროვნული სააგენტოს, ეროვნული მუზეუმის, თბილისის უნივერსიტეტის, სამხატვრო აკადემიისა, აკადემიური წრეების, მუზეუმების და არასამთავრობო ორგანიზაციების წარმომადგენლები და სხვ..

2014 წლის 18 ნოემბერს, გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრის საგამოფენო დარბაზში – “Ars Georgica” შედგა მხატვარ გრაფიკოსის, ფერმწერისა და მოქანდაკის დავით (დუდა) ალექსანდრეს ძე გაბაშვილის (1914-1995) დაბადებიდან 100 წლისთავისადმი მიძღვნილი საიუბილეო გამოფენა.

გამოფენა გახსნა ჩუბინასვილის ცენტრის დირექტორმა ქალბატონმა მარიამ დიდებულიძემ, მოსაგონარი  სიტყვით გამოვიდა გამოფენის კურატორი ქალბატონი მარიამ გაჩეჩილაძე, მხატვრის შემოქმედების მნიშვნელოვნების შესახებ ისაუბრა ბატონმა გიორგი ხოშტარიამ.

ექსპოზიციაზე წარმოდგენილი იყო  გრაფიკული და ფერწერული ნამუშევრები: ნატურმორტები, წიგნის გაფორმების ნიმუშები, ექსლიბრისები, პლაკატები, აბსტრაქტული კომპოზიციები.
მხატვრის ნამუშევრები ინახება: საქართველოს ხელოვნების მუზეუმში, ეროვნულ გალერეაში, მხატვრის ოჯახში.
მასზე:

გაბაშვილი დ.ა. ბუკლეტი. სერია „საქართველოს მხატვრები“, თბ., 1958
კარბელაშვილი მ., მხატვარ დავით  გაბაშვილის შემოქმედება. „Aრს Gეორგიცა“, სერია B, ტ.6, 1964, გვ. 25-50, რეზიუმე ფრანგულ ენაზე; (სტატიის ელექტრ. ვერსია იხ. საიტზე: გეორგიანარტ.გე)
გაჩეჩილაძე მ. დავით გაბაშვილი – 100, ელ.ჟურნალი – Aრს Gეორგიცა“, სერია B, 2014
ხოშტარია გ., დავით გაბაშვილი, ფერწერა, გრაფიკა, ქანდაკება, აბსტრაქცია, პლაკატი, წიგნის გრაფიკა. თბ., 2000, ტექსტი – ქართ. და ინგლ. ენებზე

2014 წლის 25 ივნისს გ. ჩუბინაშვილის ცენტრის საგამოფენო დარბაზში გაიხსნააკადემიკოს ვახტანგ ბერიძის 100 წლისთავისადმი მიძღვნილი გამოფენა,რომელზეც წარმოდგენილია მისი გრაფიკული ნამუშევრები: არქიტექტურული ჩანახატები და კარიკატურები.

გამოფენის გახსნას დაესწრენ ვახტანგ ბერიძის შვილები: არქიტექტორი რევაზ ბერიძე და მუსიკოსი მაია ბერიძე; მათი შვილები და შვილიშვილები.

30 მაისს, 19 საათზე, შოთა რუსთაველის სახელობის თეატრის მცირე დარბაზში გაიმართა ბ-ნი ვახტანგ ბერიძის 100 წლისთავისადმი მიძღვნილი საიუბილეოსაღამო.

დარბაზის ვესტიბიულში მოეწყო მეცნიერის მიერ შესრულებული კარიკატურების გამოფენა, რომელსაც დიდი ინტერესით გაეცნო საიუბილეო საღამოზე მიწვეული საზოგადოება.
საღამოს უძღვებოდა გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის კვლევის ეროვნული ცენტრის დირექტორი, ქალბატონი მარიამ დიდებულიძე.
მუსიკალური ნაწილი შეასრულა სულხან ცინცაძის სახელობის სახელმწიფო სიმებიანმა კვარტეტმა (კონსტანტინე ვარდელი, თამაზ ბათიაშვილი, ნოდარ ჟვანია, ოთარ ჩუბინიშვილი) და პიანისტმა ედიშერ სავიცკიმ.
საიუბილეო საღამოზე, ბ-ნი ვახტანგ ბერიძის მეცნიერული მოღვაწეობის შესახებ, მის პიროვნულ და პროფესიულ ღირსებებზე ისაუბრეს თეიმურაზ საყვარელიძემ, ლეილა ხუსკივაძემ, დიმიტრი თუმანიშვილმა, ვასილ კიკნაძემ,  ვახტანგ დავითაიამ, რეზო თავაძემ, მერაბ კოკოჩაშვილმა.

საღამოს დასასრულს მაყურებელი გაეცნო მცირეფორმატიან დოკუმენტურ ფილმს, რომელშიც წარმოდგენილი იყო ინტერვიუ ბ-ნ ვახტანგ ბერიძესთან.

2 ივნისს, ასევე საიუბილეო ღონისძიებების ფარგლებში, საქართველოს მეცნიერებათა აკადემიაში გაიმართა საიუბილეო სხდომა და ნაჩვენები იყო ბ-ნი ვახტანგ ბერიძის ღვაწლის ამსახველი დოკუმენტური ფილმი.