admin admin – გვერდი 11

სეზონური სკოლის გახსნა

სექტემბერი 8, 2019

2019 წლის 8 სექტემბერს გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნულ კვლევით ცენტრში შოთა რუსთაველის საქართველოს ეროვნული სამეცნიერო ცენტრის დაფინანსებით გაიხსნა დიმიტრი თუმანიშვილისადმი მიძღვნილი სეზონური სკოლა „ტაო-კლარჯეთი ისტორია და მემკვიდრეობა: უძრავი და მოძრავი ძეგლები“. სეზონური სკოლა გახსნა პროექტის ხელმძღვანელმა, ხელოვნებათმცოდნეობის დოქ. ეკატერინე გედევანიშვილმა, რომელმაც დამსწრე საზოგადოებას სკოლის სამუშაო ფორმატი გააცნო – სკოლის უმთავრესი მიზანია ამ მემკვიდრეობის ფართო ისტორიულ კონტექსტში წარმოჩენა, რაც არა მხოლოდ თურქეთის ტერიტორიაზე არსებულ ძეგლთა განხილვას გულისხმობს, არამედ ამ მემკვიდრეობასთან უშუალოდ დაკავშირებული მოძრავი თუ უძრავი ძეგლების შესწავლასაც (მანგლისი, კუმურდო, სამუზეუმო სივრცეში დაცული ჯვარ-ხატები, თუ ხელნაწერები და სხვა).
პროექტის თანახელმძღვანელის – დოქ. ირინე გივიაშვილის გამოსვლა ტაო-კლარჯეთის ისტორიული მნიშვნელობის წარმოჩენას მიეძღვნა. ცენტრის დირექტორმა დოქ. თამარ ბელაშვილმა საერთაშორისო პროექტების მნიშვნელობაზე ისაუბრა და ამ ტიპის მოვლენები ცენტრის განვითარების სტრატეგიულ მიმართულებად განსაზღვრა. სკოლის გახსნას ესწრებოდნენ რუსთაველის სამეცნიერო ფონდის გენერალური დირექტორი ზვიად გაბისონია და გენერალური დირექტორის მოადგილე ჯაბა სამუშია. ზვიად გაბისონიამ ისაუბრა ფონდის მიერ ტაო-კლარჯეთის მიმართულებით დაფინანსებული პროექტების ეროვნულ და სამეცნიერო მნიშვნელობაზე, მან სეზონური სკოლის მონაწილეებს წარმატება უსურვა და იმედი გამოთქვა, რომ მომავალშიც გაგრძელდება მსგავსი ხასიათის თანამშრომლობა.
მაქს პლანკის სახელობის ფლორენციის ხელოვნების ისტორიის ინსტიტუტის დირექტორმა, პროფ. გერჰარდ ვოლფმა, ფრიბურგის უნივერსიტეტის (შვეიცარია) პროფ. დოქ., მიქელე ბაჩიმ, უცხოელმა კოლეგებმა ისაუბრეს სეზონური სკოლის სამუშაო ფორმატზე, აღნიშნეს რა საველე სამუშაოების აქტუალობა, დასახეს მომავალი სამეცნიერო თანამშრომლობის გეგმები.
სეზონური სკოლის ფარგლებში გაიხსნა ცენტრის თანმშრომლის, დოქ. თამაზ დვალის ფოტოგამოფენა. ამასთან ერთად მოეწყო ბიბლიოგრაფიული გამოფენა, სადაც წარმოდგენილია ჩუბინაშვილის ცენტრის წვლილი ტაო-კლარჯეთის მემკვიდრეობის კვლევის საქმეში. პროექტის ფარგლებში დაგეგმილია ბაზელის უნივერსიტეტის პროფესორის ბარბარა შელევალდის საჯარო ლექცია „იშხნის მოხატულობა.“
სეზონური სკოლა იმუშავებს საქართველოში, ასევე ჩრდილო-აღმოსავლეთ თურქეთში, პროგრამა დასრულდება თბილისში 16 სექტემბერს. 18 სექტემბრიდან კი მუშაობას გააგრძელებს ქ. ბერნში შუა საუკუნეების ხელოვნების საერთაშორისო ფორუმზე, რომელიც პროექტის თანამონაწილე ფრიბურგის უნივერსიტეტის მიერ არის ორგანიზებული. ფორუმზე საზაფხულო სკოლის ქართველი და ევროპელი მონაწილეები მოხსენებებით წარდგებიან. უმთავრესი თემატიკა სწორედ ტაო-კლარჯეთის მემკვიდრეობაა.
პროექტში ჩართულნი არიან დოქტორანტები და ახალგაზრდა მეცნიერები, როგორც საქართველოდან (ჩუბინაშვილის ცენტრი, თბილისის სახელმწიფო უნივერსიტეტი, სამხატვრო აკადემია), ასევე მსოფლიოს მოწინავე უნივერსიტეტებიდან.
სეზონური სკოლა ეძღვნება დიმიტრი თუმანიშვილის ხსოვნას.

Leave a comment

Seasonal School

აგვისტო 29, 2019

On September 8-16, 2019 a seasonal school

The History and Heritage of Tao-Klarjeti: Movable and Immovable Monuments was held.

The Project was realized by the George Chubinashvili National Research Centre for Georgian Art History and Heritage Preservation in corporation with the participator organizations: Art History Seminar of Basel University, Medieval Art History Department of Fribourg University and The Max Plank Art History Institute in Florence. The project was financed by the Shota Rustaveli National Scientific Foundation of Georgia.

Leave a comment

სეზონური სკოლა

აგვისტო 29, 2019

2019 წლის 8-16 სექტემბერს ჩატარდა სეზონური სკოლა
“ტაო-კლარჯეთი ისტორია და მემკვიდრეობა: უძრავი და მოძრავი ძეგლები”

პროექტი განხორციელდა გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრის და თანამონაწილე ორგანიზაციების: ბაზელის უნივერსიტეტის ხელოვნების ისტორიის სემინარის, ფრიბურგის უნივერსიტეტის შუა საუკუნეების ხელოვნების ისტორიის კათედრისა და ფლორენციის მაქს პლანკის ხელოვნების ისტორიის ინსტიტუტის მიერ. პროექტი დააფინანსა შოთა რუსთაველის საქართველოს ეროვნულმა სამეცნიერო ფონდმა.

Leave a comment

Seasonal School

თებერვალი 7, 2019

The Giorgi Chubinashvili National Research Centre for Georgian Art History and Heritage Preservation in collaboration with the University of Basel (Seminar of Art history), University of Fribourg (Art History Department) and Max-Planck Institut-KunsthistorischesInstitut in Florence, with the financial support (№ MG_ISE_18_2142) of Shota Rustaveli National Science Foundation of Georgia

Announces the Seasonal School

Tao-Klarjeti: History and Heritage of Movable and Immovable Monuments
07-16. 09. 2019

The programme

Tao-Klarjeti is a general name to define the medieval Georgian heritage, movable and immovable, related to the historic Georgian provinces that lie within the borders of Turkey (Tao, Klarjeti, Shavsheti, Erusheti, Kola-Oltisi and Speri). The majority of the architectural remains are located in the provinces of Erzurum, Artvin, and Ardahan. Most of the movable objects (icons, crosses, manuscripts, sculptures etc) are preserved in the museums and repositories of Tbilisi.
The main objective of the Seasonal school is to present to participants the most significant monuments of Tao-Klarjeti. To demonstrate the significance of the heritage of Tao-Klarjeti the Seasonal school aims to discuss and analyze it in the context of Georgian history and Georgian art. At the same time, we aim to show its special significance in the context of broader Byzantine and regional cultures (The Caucasus, Islamic Anatolia).

The Seasonal school will last ten days. It will work in the established format of art history instruction. The Seminars will take place mostly not in the auditorium, but on the sites, where the participants will have direct contact with the monuments in the field (Kumurdo, Oshki, Khakhuli etc) or with the artefacts housed at the museums and the repositories (for example: the Khakhuli Icon, the Anchiskati Icon, the Gospel of Tskarostavi, etc).
All participants of the Seasonal school will be required to study all the reading materials provided electronically. Each member will be responsible to make a presentation on a monument included in the list of the Seasonal school programme. All members of the group are strongly encouraged to participate in discussions and reflect the knowledge they obtained in their further studies and from publications.

The working language of the summer school is English.
The Chubinashvili Centre will issue certificates to all participants who successfully complete the programme.

Important information:
The programme provides transportation to the monuments, breakfasts, lunches and most of the dinners during the Summer school period (7-16 September), museum entrance fees and hotel accommodations (shared rooms for students). Airfare to and from Tbilisi, travel/health insurance, entry visa fees (if required) and pocket money are the responsibility of the individual participant.

Eligibility:

Applicants must be currently enrolled in Ph.D. studies or early career scholars with interests in the arts and culture of Byzantium, and medieval Georgia, Caucasus and Anatolia.
Priority will be given to applicants who are either Turkish citizens or affiliated with Turkish educational/research institutions.

Application

Applications should be submitted to taoschool2019@gmail.com as a pdf file by February 28, 2019

Selected candidates will be notified by 30 April 2019.

Leave a comment

სეზონური სკოლა

თებერვალი 7, 2019

გიორგი ჩუბინაშვილის სახელობის ქართული ხელოვნების ისტორიისა და ძეგლთა დაცვის ეროვნული კვლევითი ცენტრი, ბაზელის უნივერსიტეტის ხელოვნების ისტორიის სემინარის, ფრიბურგის უნივერსიტეტის შუა საუკუნეების ხელოვნების ისტორიის კათედრისა და ფლორენციის მაქს პლანკის ხელოვნების ისტორიის ინსტიტუტის თანამონაწილეობითა და შოთა რუსთაველის საქართველოს ეროვნული სამეცნიერო ფონდის ფინანსური მხარდაჭერით (№ MG_ISE_18_2142), აცხადებს

სეზონურ სკოლას

ტაო-კლარჯეთი ისტორია და მემკვიდრეობა: უძრავი და მოძრავი ძეგლები

2019 წლის 7-16 სექტემბერი

პროექტის შესახებ

ტაო-კლარჯეთი ზოგადი სახელია იმ სულიერი და კულტურული მემკვიდრეობისა, რომელიც თავის თავში მოიცავს შუა საუკუნეების სამხრეთ საქართველოში შექმნილ უძრავ და მოძრავ ძეგლებს. იგი უშუალოდ უკავშირდება იმ ისტორიულ ქართულ პროვინციებს, რომლებიც თურქეთის საზღვრებშია მოქცეული (ტაო-კლარჯეთი, შავშეთი, ერუშეთი, კოლა-ოლთისი და სპერი). არქიტექტურულ ძეგლთა უმრავლესობა ერზერუმის, ართვინის და არდაჰანის ვილაიეთებში მდებარეობს. მოძრავი ძეგლების (ჯვარ-ხატები, ხელნაწერები, ქანდაკებები და სხვა) უმრავლესობა კი დაცულია თბილისის სხვადასხვა სამუზეუმო სივრცესა და საცავში.

სეზონური სკოლის მთავარი მიზანია, პროგრამის მონაწილეებს ადგილზე გააცნოს ტაო-კლარჯეთის უმნიშვნელოვანესი ხუროთმოძღვრული ძეგლები, წარმოაჩინოს მათი ისტორიული და კულტურული მნიშვნელობა საქართველოს ისტორიის, ქართული ხელოვნების, ბიზანტიური და რეგიონალური (კავკასია, ისლამური ანატოლია) კულტურის კონტექსტში.

სეზონური სკოლა იმუშავებს ათი დღის განმავლობაში. ამ ხნის მანძილზე მონაწილეები იმოგზაურებენ როგორც საქართველოში, ასევე, ჩრდილო-აღმოსავლეთ თურქეთში. სკოლა იმუშავებს სახელოვნებათმცოდნეო მეცნიერებაში დამკვიდრებული ფორმატით. სემინარი და დისკუსიები უმთავრესად გაიმართება არა აუდიტორიაში, არამედ საველე პირობებში, იქნება ეს ღია ცის ქვეშ არსებული ძეგლები (კუმურდო, ოშკი, ხახული და სხვა) თუ სამუზეუმო სივრცეში დაცული ნივთები (მაგ. ხახულის ხატი, ანჩის ხატი, წყაროსთავის ოთხთავი და სხვა). ამასთან, ჩატარდება ლექციები და გაიმართება დისკუსიები.

სეზონური სკოლის მონაწილენი ვალდებულნი არიან, წინასწარ დაამუშაონ ჩვენ მიერ ელექტრონულად მიწოდებული სამეცნიერო ლიტერატურა და შეთანხმებულ თემებზე წარმოადგინონ მოხსენებები; ამავე დროს, მონაწილეობა მიიღონ დისკუსიებში, სეზონურ სკოლაში შესწავლილი საკითხები კი ასახონ მომავალ სამეცნიერო კვლევებსა და პუბლიკაციებში.

სეზონური სკოლის სამუშაო ენაა ინგლისური.

გიორგი ჩუბინაშვილის ცენტრი სეზონური სკოლის წარმატებით დასრულების შემდეგ ყველა მონაწილეს გადასცემს სერთიფიკატს.

მნიშვნელოვანი ინფორმაცია:

პროგრამა უზრუნველყოფს სეზონური სკოლის სასწავლო პროცესს. იგი ითვალისწინებს ათი დღის განმავლობაში მონაწილეთა ძეგლებამდე ტრანსპორტირებას, განთავსებას სასტუმროში (სტუდენტებისათვის ოთახი იქნება საზიარო), კვებას, მუზეუმში შესვლას. განმცხადებლები ვალდებულნი არიან, თავად დაფარონ ორმხრივი მგზავრობის ხარჯები, ვიზის მოსაკრებელი (ასეთის საჭიროების შემთხვევაში) და სამოგზაურო / ჯანმრთელობის დაზღვევა, ამასთან, თან იქონიონ საკუთარი ჯიბის ფული.

ვის შეუძლია განაცხადის შემოტანა:

განაცხადი შეუძლია შემოიტანოს ნებისმიერი ქვეყნის მოქალაქეს, რომელიც არის სადოქტორო პროგრამის სტუდენტი ან ახალგაზრდა მეცნიერი. განმცხადებლის ინტერესის სფეროს უნდა წარმოადგენდეს საქართველოს, კავკასიის, შუა საუკუნეების ანატოლიისა და ბიზანტიის ხელოვნება, კულტურა.

უპირატესობა მიეცემათ იმ სტუდენტებს, რომლებიც თურქეთის მოქალაქეები არიან ან წარმოადგენენ თურქულ სასწავლო/სამეცნიერო ინსტიტუციას.

განცხადების ფორმა

განაცხადის ბოლო ვადაა : 2019 წლის 28 თებერვალი

განაცხადის ფორმა pdf ფაილის სახით გამოგზავნილ უნდა იქნეს შემდეგ მისამართზე:

taoschool2019@gmail.com

შერჩეულ კანდიდატებს ეცნობებათ 2019 წლის 30 აპრილამდე